Bylgjulestin tók þátt í Bíladögum - myndaveisla

Bylgjulestin 18. júní 2025 14:06

Glæsilegir bílar og fleiri tæki tóku vel á því á Bíladögum á Akureyri um liðna helgi. Bylgjulestin lét sig ekki vanta. Axel Þórhallsson

Bylgjulestin var í góðum félagsskap á aksturssvæði Bílaklúbbs Akureyrar við Hlíðarfjall um liðna helgi þar sem Bíladagar fóru fram.

Bylgjulestarbíllinn hætti sér þó ekki út á keppnisbrautirnar.

„Mikið malbik, hávaði og glæsilegir bílar og hjól lýsa best frábærri helgi á Akureyri þar sem sáum við allar gerðir bifhjóla og bifreiða sem kepptu í hinum ýmsu greinum,“

Kristín Ruth Jónsdóttir og Bragi Guðmunds voru lestarstjórar Bylgjulestarinnar um helgina.

Bragi og Kristín Ruth heimsóttu Bíladaga á Akureyri með Bylgjulestinni.

„Við fengum Ásthildi Sturludóttur bæjarstjóra Akureyrar í heimsókn til okkar hún sagði okkur frá uppbyggingu í bænum og allt sem hann hefur upp á að bjóða

Jón Heiðar frá Zipline Akureyrar kom til okkar og við ræddum upplifun okkar Braga af Zipline ferð í miðjum bæ! Ótrúlega skemmtileg ævintýraferð sem allir þurfa að upplifa á ferðalagi sínu um Norðurlandið! Dóri K eða Halldór Kristinn eigandi Vamos á Akureyri sagði okkur frá öllu því sem er að gerast í skemmtana- og mannlífinu á Akureyri en til dæmis var uppselt á ball á Sjallanum um helgina. Einnig komu tveir Hvanndalsbræður í Bylgjulestina og frumfluttu nýtt lag.

Ásthildur Sturludóttir bæjarstjóri Akureyrar kíkti í bílinn.

Stórskemmtilega helgi að baki þar sem við hittum fullt af skemmtilegu fólki, sýndum þeim glæsikerrur frá Öskju, stórskemmtilegan iKamper og gáfum börnum helling af Bylgju sundpokum fullum af glaðning.“

Hér fyrir neðan má fletta í gegnum skemmtilegar myndir frá helginni sem Axel Þórhallsson tók.