Bylgju­lestin verður í Hall­orms­staða­skógi á laugar­dag

Það verður mikið um að vera í Hallormsstaðaskógi þennan daginn en þá verður fjölskylduhátíðin Skógardagurinn mikli haldinn þar sem boðið verður m.a. upp á með Íslandsmóti í skógarhöggi, grillveislu, ketilkaffi og skemmtidagskrá dagskrá.

Bragi Guðmunds og Svali verða í beinni útsendingu frá Skógardeginum mikla milli kl. 12 og 16 og fá m.a. til sín góða gesti.

„Við héldum Skógardaginn mikla fyrst með þessu sniði árið 2005 og höfum haldið hann árlega síðan utan þess þegar Covid gekk hér yfir,“ segir Þór Þorfinnsson, skógarvörður á Austurlandi og einn skipuleggjenda dagsins. „Þessi viðburður er alltaf mjög vel sóttur og stærsti viðburður ársins hér á Héraði. Svo erum við eiginlega alltaf heppin með veðrið.“

Nokkrir aðilar standa að deginum: Land og skógur, Félag skógarbænda á Austurlandi, Félag sauðfjárbænda á Héraði og Fjörum og Félag nautgripabænda á Héraði og Fjörðum.

„Þetta er sannkölluð fjölskylduhátíð þar sem margt verður í boði eins og t.d. þrautir og leikir fyrir börnin og skemmtileg tónlistardagskrá á sviði. Nautgripabændum ætla að heilgrilla naut í dag og alla nóttina svo það verði tilbúið á morgun. Sauðfjárbændum bjóða upp á grillað lambakjöt, boðið verður upp á pylsur og landslið kjötiðnaðarmanna ætlar að grilla eitthvað gott fyrir okkur. Ekki má svo gleyma eldbökuðu lummunum og ketilkaffinu sem er séreinkenni okkar skógarmanna. Allt er þetta ókeypis fyrir gesti.“

Samstarfsaðilar Bylgjulestarinnar verða með í för. Sjóvá og Samgöngustofa munu fjalla um umferðaröryggi, Topptjöld og vagnar verða með iKamper vagn til sýnis, 7up Zero gefur gestum frískandi drykki, bílaumboðið Askja verður með bílasýningu og gjafapokarnir frá Bylgjunni verða að sjálfsögðu á sínum stað með 7up Zero pink, nammi frá Danól og varningi frá Bylgjunni.

Næstu áfangastaðir Bylgjulestarinnar í sumar:

28. júní Hafnarfirði

5. júlí Akranes

13. júlí Selfoss

19. júlí Hljómskálagarðurinn

26. júlí Vaglaskógur