„Gríðar­stór“ á­rás á höfuð­borgina

„Önnur gríðarstór árás á höfuðborgina. Mögulega nokkrar bylgjur af drónum óvinveittra,“ sagði Tymur Tkachenko, yfirmaður herstjórnar Kænugarðs, í yfirlýsingu.

Drónaárás Rússa olli eldsvoða í íbúðahverfum borgarinnar og eyðilagði inngang að neðanjarðarlestarstöð, sem hefur ítrekað verið notuð sem loftvarnarbyrgi. BBC segir marga íbúa borgarinnar hafa eytt nóttinni í lestarstöðvum líkt og þessari.

Neyðarþjónusta Úkraínu segir þrettán manns særða eftir árásina, þar á meðal eru tvö börn og þunguð kona.

Rússar hafa ítrekað gert árásir á höfuðborgina undanfarnar vikur. Í síðustu viku var mannskæðasta árás Rússa á Kænugarð þar sem að minnsta kosti 28 létu lífið. Tugir eða hundruð slösuðust.

Samkvæmt varnarmálaráðuneyti Breta hafa yfir milljón hermenn Rússa verið drepnir síðan innrás Rússa hófst í Úkraínu fyrir rúmum þremur árum.