Komin með hundrað meistara­flokks­leiki fyrir ní­tján ára af­mælið sitt

Björg náði þessum tímamótum í leik á móti Víkingi í Bestu deild kvenna og hefur nú leikið 101 meistaraflokksleik á ferlinum.

Þessu náði þessi efnilegi leikmaður fyrir nítján ára afmælið sitt sem verður ekki fyrr en í næstu viku.

Átján ára gömul og með hundrað leiki fyrir meistaraflokkinn áður en hún gengur formlega upp í hann sem verður ekki fyrr en á næsta ári.

Björg hefur leikið 48 af þessum leikjum í Lengjudeildinni en hún hefur líka verið með í öllum tíu leikjum FHL í Bestu deildinni i sumar.

Hún hefur síðan spilað 9 leiki í bikar, 21 leiki í deildabikar, níu leiki í C-deild og fjóra leiki í öðrum keppnum.

Alls hefur hún skorað 26 mörk í þessum 101 meistaraflokksleik.

Björg er yngri systir landsliðskonunnar Áslaugar Mundu Gunnlaugsdóttur.