Fjórir eru tveimur leikjum frá því að vinna sjö titla á einu ári

Leikmennirnir eru Vitinha, Joao Neves, Gonçalo Ramos og Nuno Mendes en þeir eiga það sameiginlegt að spila bæði með Paris Saint Germain og portúgalska landsliðinu.

Portúgal vann Þjóðadeildina í sumar eftir sigur á Spánverjum í úrslitaleik.

Paris Saint Germain vann Meistaradeildina í fyrsta skiptið í sögu félagsins í vor en liðið varð einnig franskur meistari, franskur bikarmeistari og vann Meistarakeppnina í Frakklandi.

Þeir eiga möguleika á því að bæta við tveimur titlum á þessu ári og í raun í næstu tveimur leikjum.

Fyrst er það úrslitaleikur heimsmeistarakeppni félagsliða á móti Chelsea og svo er þegar Ofurbikar UEFA á móti Tottenham þar sem liðin mætast sem unnu Meistaradeildina (PSG) og Evrópudeildin (Spurs) á síðustu leiktíð.

Vitinha, Joao Neves og Nuno Mendes voru allir í byrjunarliði Portúgals í úrslitaleiknum á móti Spáni en Gonçalo Ramos kom inn á sem varamaður og skoraði í vítakeppninni.

Í úrslitaleik Meistaradeildarinnar voru fyrrnefndir þrír einnig í byrjunarliði PSG en Ramos kom inn á sem varamaður.