Málinu lokið og Kohberger sleppur við dauða­refsingu

Kohberger játaði fyrr í mánuðinum sök og samþykkti í leið að áfrýja málinu ekki og biðja ekki um vægari refsingu. Fram til þess hafði hann alltaf fullyrt að hann væri saklaus.

Játningin var hluti af samkomulagi sem hann gerði sem fólst í játningu gegn því að hann hlyti ekki dauðarefsingu. Lífstíðardómurinn sem Kohberger hlaut í dag er óskilorðsbundinn. 

Þegar honum bauðst að tjá sig við dómsuppsöguna sagðist baðst hann undan. CNN fjallaði ítarlega um málið og var með lifandi fréttavakt af dómsuppsögunni. 

Málið vakti mikla athygli á sínum tíma vegna þess hve hrottafengin morðin voru en einnig vegna aldurs fórnarlambanna og bakgrunns Kohberger en á þessum tíma var hann doktorsnemi í afbrotafræði. Kaylee Goncalves, Ethan Chapin, Xana Kernodle og Madison Mogen voru öll myrt á sameiginlegu heimili sínu í bænum Moskvu í Idaho í nóvember 2022.

Kohberger braust inn á heimili fjórmenninganna í gegnum útidyr inni í eldhúsinu, og stakk þá til bana. Hann var handtekinn nokkrum vikum síðar og ákærður í maí 2023.

Enn er óljóst hver ástæða morðanna var og ekki hafa fundist tengsl milli Kohberger og hinna látnu. Þá hefur vakið athygli að fram að morðunum hafði Kohberger aldrei komist í kast við lögin og engar vísbendingar hafi verið um ofbeldishneigð.