Markasúpur í „Ís­lendinga­slögum“

Daníel Leó Grétarsson var í byrjunarliði Sönderjyske sem beið afhroð gegn Midtjylland. Kristall Máni Ingason var í ekki leikmannahópi gestanna. Þá sat markvörðurinn Elías Rafn Ólafsson sat á varamannabekk sigurliðsins.

Midtjylland er með fjögur stig eftir tvær umferðir á meðan Sönderjyske er með eitt stig.

Kolbeinn Þórðarson var í byrjunarliði Gautaborgar sem komst 2-0 yfir gegn Elfsborg á útivelli en mátti á endanum þola 4-3 tap þökk sé tvennu varnarmannsins Johan Larsson. Kolbeinn var tekinn af velli á 71. mínútu þegar staðan var 3-2 Gautaborg í vil.

Ari Sigurpálsson kom inn af bekknum hjá Elfsborg á 84. mínútu, staðan þá enn 3-2 gestunum í vil. Í uppbótatíma skoraði Larsson tvennu sína og tryggði heimamönnum dramatískan sigur. Júlíus Magnússon sat allan tímann á varamannabekk Elfsborgar.

Eftir 17 umferðir er Elfsborg í 5. sæti með 32 stig á meðan Gautaborg er í 8. sæti með 25 stig.