Ör­lög Bayrou ráðast 8. septem­ber

Atkvæðagreiðslan mun hverfast um fyrirætlanir Bayrou og ríkisstjórnarinnar um að grípa til niðurskurðaraðgerðir sem er ætlað að spara 44 milljarða evra á ársgrundvelli. Fjárlagahalli Frakklands nam 5,8 prósentum af vergri landsframleiðslu í fyrra en viðmið Evrópusambandsins er 3 prósent.

Aðgerðirnar hafa verið harðlega fordæmdar en Bayrou segir framtíð þjóðarinnar sé í húfi. Atkvæðagreiðslan muni snúast um það hvort þingmenn átti sig á hættunni sem steðjar að.

Leiðtogar fjögurra flokka hafa þegar lýst því yfir að þeir muni styðja vantraust á Bayrou og ríkisstjórn hans; forsætisráðherrann hafi grafið eigin gröf. Engin skýr meirihluti er á þinginu í kjölfar þingkosninganna sem forsetinn, Emmanuel Macron, boðaði til í fyrra.

Sérfræðingar spá því að falli Bayrou, muni Macron fremur freista þess að skipa nýjan forsætisráðherra, þann þriðja frá kosningunum í fyrra, frekar en að boða til nýrra kosninga. Hver það yrði er óljóst.