Arnar og Aron Elí til Reita

Í tilkynningu segir að það sé gert til að styrkja þróunarsvið félagsins vegna aukinnar áherslu og umfangs þróunarverkefna hjá félaginu.

„Arnar Skjaldarsson hefur verið ráðinn verkefnastjóri nýframkvæmda á þróunarsviði hjá Reitum. Í þessu nýja hlutverki hjá félaginu mun Arnar leiða og hafa yfirumsjón með framkvæmdum og uppbyggingu Kringlureits. Arnar hefur víðtæka reynslu úr mannvirkjageirnum allt frá hönnun að framkvæmd, ásamt því að hafa gengt starfi byggingarfulltrúa um hríð. Áður en Arnar hóf störf hjá Reitum þá starfaði hann sem verkefnastjóri hjá VHE við uppbyggingu á fjölbýlishúsum. Arnar er húsasmíðameistari og byggingafræðingur frá Vitus Bering í Danmörku, ásamt því að vera löggiltur mannvirkjahönnuður.

Aron Elí hefur hafið störf hjá Reitum sem verkefnastjóri á þróunasviði. Hann mun annast margþætt verkefni hjá félaginu og styðja við framgang bæði núverandi og framtíðarverkefna sem félagið hefur á teikniborðinu. Aron Elí var áður verkefnastjóri hjá Verkís þar sem hann tók þátt í umfangsmiklum byggingar- og skipulagsverkefnum. Þar áður starfaði Aron hjá Sjóvá við fjölbreytt verkefni á tjónasviði og við umbætur innri ferla fyrirtækisins. Aron Elí er með meistarapróf í iðnaðar- og kerfisverkfræði frá University of Wisconsin-Madison í Bandaríkjunum,“ segir í tilkynningunni.

Kringlureitur, Korputún og Nauthólsvegur

Um núverandi þróunarverkefni félagsins segir að þau séu umfangsmikil og muni standa undir stórum hluta áætlaðs vaxtar félagsins til næstu ára.

„Á meðal lykilverkefna sem félagið er þegar með í bígerð eru Kringlureitur, Korputún og Nauthólsvegur 50.

Á Kringlureit í hjarta Reykjavíkur reisa Reitir nýtt borgarhverfi með 420 íbúðum þar sem rík áhersla er lögð á gæði, og hönnun hverfisins dregur innblástur af gömlu Reykjavík. Auk íbúða mun atvinnuhúsnæði fá sitt rými og gamla prentsmiðja Morgunblaðsins öðlast nýtt hlutverk sem menningarmiðstöð. Á Korputúni eru framkvæmdir þegar hafnar við fyrsta sjálfbærnivottaða atvinnuhverfið á Íslandi þar sem 90.000 fermetra af glæsilegu húsnæði verður byggt og bíðst framsæknum f yrirtækin einstakur sveigjanleiki undir sína starfsemi í rýmum af ýmis stærð og gerð. Við Nauthólsveg 50 verður byggingunni sem áður hýsti höfuðstöðvar Icelandair umbreytt í 87 rýma hjúkranarheimili og hafa Reitir einnig lagt fram tillögu um lífsgæðakjarna á svæðinu. Með því verkefni mæta Reitir brýnni spurn eftir hjúrkunarrýmum og styðja við uppbyggingu innviða í þágu samfélagsins,“ segir í tilkynningunni.