Fjöl­margir borguðu sig inn á lang­þráða æfingu

Þetta var í fyrsta sinn í tvö ár sem að leikmenn Barcelona hafa getað æft á þessum sögufræga leikvangi sem verið er að endurnýja.

Börsungar spiluðu síðast á Camp Nou í maí 2023, og hafa nýtt Ólympíuleikvanginn í Barcelona fyrir heimaleiki sína, en forseti félagsins, Joan Laporta, segir að vonir standi til þess að næst verði spilað á Camp Nou í lok þessa mánaðar.

Leikvangurinn verður þó ekki tilbúinn þá en ætti að geta rúmað 45.000 áhorfendur. Þegar leikvangurinn verður svo fullkláraður munu 105.000 áhorfendur geta mætt á hvern leik.

Eins og fyrr segir mættu margir eða 21.000 áhorfendur á æfinguna í gær, til að sjá Lamine Yamal og félaga æfa, og kostaði miðinn 10 evrur. Helmingsafsláttur var fyrir klúbbmeðlimi.