Fyrir­skipa notkun Times New Roman í stað Calibri

Reuters hefur undir höndum minnisblað þar sem utanríkisráðherrann Marco Rubio kallar ákvörðun ríkisstjórnar Joe Biden um að nota Calibri í stað Times New Roman „sóun“ í nafni aðgerða í þágu fjölbreytileika.

Utanríkisráðuneytið skipti yfir í Calibri árið 2023, þegar Antony Blinken var utanríkisráðherra, þar sem sumir sérfræðingar segja letrið auðlesanlegra fyrir einstaklinga með ákveðna sjónskerðingu. 

Þá er það letrið sem stillt er á í Windows ef annað er ekki valið.

Nú á hins vegar, samkvæmt minnisblaðinu, að endurheimta „fagmennsku“ og útrýma „enn einu“ fjölbreytileikaátakinu (e. DEI) með því að taka aftur upp Times New Roman sem formlegt letur utanríkisþjónustunnar.

Þetta sé í takt við stefnu foretans um „eina rödd fyrir Bandaríkin“.