Sölvi genginn til liðs við KAPP

Sölvi er fiskeldisfræðingur að mennt og vel kunnugur geiranum sem hann hefur starfað í undanfarna þrjá áratugi. Síðustu átta ár hefur Sölvi starfað sem framkvæmdastjóri Aqua.is/Eldvara ehf., sem er innflutnings- og þjónustufyrirtæki fyrir fiskeldi.

„Með ráðningu Sölva, sem viðbót við öflugt teymi okkar, erum við að fylgja þeirri stefnu eftir og hyggjumst bjóða upp á enn breiðara úrval þjónustu og lausna á komandi mánuðum,“ er haft eftir Ólafi Karli Sigurðarsyni, forstjóra KAPP, í fréttatilkynningu.

Sölvi segir það afar mikilvægt að íslensk þjónustufyrirtæki séu til staðar til að styðja við ört vaxandi fiskeldi á landinu. Hann telur vatnsgæði lykilþátt í því að starfsemin takist vel og verður áherslan lögð á þau.

KAPP sérhæfir sig í þjónustu og lausnum fyrir fisk- og kjúklingavinnslu, fiskeldi og matvöruverslanir.