Þrír hand­teknir í tengslum við sprengingu í Ósló

Aðfaranótt sunnudags varð sprenging við bandaríska sendiráðið í Ósló. Lögreglan telur sprenginguna hafa verið ætlaða sendiráðinu og hóf rannsókn á því hvort að um hryðjuverk væri að ræða. 

Bræðurnir, sem eru allir á þrítugsaldri, eru norskir ríkisborgarar samkvæmt BBC en tengjast þó Írak. 

„Þeir eru grunaðir um hryðjuverkasprengjuárás,“ sagði Christian Hatlo, fulltrúi lögreglunnar, á blaðamannafundi fyrr í dag. Bræðurnir hafa ekki komist áður í kast við lögin.

Lögreglan hafði til rannsóknar hvort að sprengingin tengdist árásum Bandaríkjanna og Ísrael á Íran. Hatlo sagði lögregluna vera að skoða hver ástæða sprengingarinnar var, meðal annars hvort erlent ríkisvald hafi átt hlut að máli.