Íris ráðin til SI

Í tilkynningu segir að Íris sé tengiliður fyrirtækja og félaga sem starfi á sviði innviðauppbyggingar, hönnunar og ráðgjafar. 

„Starfið er hluti af mikilvægu hagsmunastarfi Samtaka iðnaðarins sem hefur það markmið að efla samkeppnishæfni íslensks iðnaðar og styðja fyrirtæki til að nýta tækifærin og að taka forystu á tímum breytinga.

Íris var áður lögfræðingur og sérfræðingur í regluverki mannvirkjagerðar hjá Húsnæðis- og mannvirkjastofnun. Einnig starfaði hún sem lögfræðingur skipulags- og umhverfissviðs Grindavíkurbæjar og þar áður hjá Brunavörnum Suðurnesja.

Íris er með BA-gráðu frá lagadeild Háskólans í Reykjavík,“ segir í tilkynningunni.