Erlent

Hóta hefndum fyrir drápið á Larijani

Hólmfríður Gísladóttir skrifar
Hjón á áttræðisaldri létust á heimili sínu í nótt, í árás Írana á Tel Aviv.
Hjón á áttræðisaldri létust á heimili sínu í nótt, í árás Írana á Tel Aviv. Getty/Alexi J. Rosenfeld

Að minnsta kosti tveir létust þegar Íranir skutu eldflaugum með klasasprengjum á Tel Aviv í nótt. Ríkismiðlar í Íran sögðu um að ræða hefndarárás vegna dráps Ísraelsmanna á Ali Larijani, yfirmanni öryggismála og einum helsta ráðgjafa Ali Khamenei.

Íranir skutu einnig drónum og eldflaugum á skotmörk í nágrannaríkjunum. Yfirvöld í Sameinuðu arabísku furstadæmunum gáfu til að mynda út yfirlýsingu í morgun um að árás stæði yfir og hvöttu íbúa til að gá að sér. Þá hafa myndir verið birtar af reyk stíga til himins skammt frá sendiráði Bandaríkjanna í Baghdad.

Umfangsmiklar aðgerðir Ísraela í Líbanon hafa haldið áfram og árásir meðal annars gerðar á skotmörk í miðborg Beirút. Þá greindi Bandaríkjaher frá því í nótt að hann hefði tekið út eldflaugar Írana við Hormuz-sund, sem ógnuðu umferð um sundið.

Stjórnvöld í Íran hafa hótað hefndum vegna drápsins á Larijani og þá sagði utanríkisráðherrann Abbas Araghchi að aðgerðir Bandaríkjanna og Ísraela myndu hafa áhrif á alla heimsbyggðina.

Hann benti einnig á að þeim hefði fjölgað sem gagnrýndu stríðið.

Ísrael Bandaríkin Árásir Bandaríkjanna og Ísraels á Íran Líbanon Íran Hernaður

Mest lesið


Fleiri fréttir

Sjá meira


×

Mest lesið