Á sjúkra­hús eftir yfir­lið á lands­leiknum

Uppselt var á leikinn og því þétt setið í höllinni, og leikurinn jafn og spennandi.

Um miðjan fyrri hálfleikinn stöðvuðu dómarar leikinn og kallað var eftir lækni í húsinu, eftir að liðið hafði yfir áhorfanda. Ljóst var að leikmönnum jafnt sem áhorfendum var brugðið á meðan að óvissa ríkti um hvað hefði gerst.

Viðstaddir læknar brugðust skjótt við. Að nokkrum mínútum liðnum hafði konan jafnað sig nægilega vel til þess að geta gengið með sjúkraflutningamönnum út í sjúkrabíl og hún var svo flutt á sjúkrahús til frekari skoðunar. Frá þessu greindi Einar Örn Jónsson í lýsingu RÚV frá leiknum.

Leikurinn hófst þá að nýju og áhorfendum var tilkynnt um að það væri í lagi með konuna.

Þegar þetta er skrifað er hálfleikur og eru Svíar tveimur mörkum yfir, 13-11.