Ronald fyrsti ís­lenski karlinn til að vinna Norðurlandamót

Íslenska landsliðið í hnefaleikum tekur þátt í Norðurlandamótinu ásamt Svíþjóð, Finnlandi, Noregi og Danmörku. Mótið er að þessu sinni haldið í Helsinki í Finnlandi en það færist á milli ára og er á Íslandi árið 2027.

Ronald keppti í -50 kílóa unglingaflokki og mætti Väinö Nore frá Finnlandi í úrslitabardaganum.

Ronald er á virkilega góðri siglingu og er nýkominn frá Kanada þar sem hann var við æfingar og er með skýrt markmið að halda þeirri siglingu áfram.

Þær æfingar skiluðu sér heldur betur því hann vann glæsilegan sigur og var með algjöra yfirburði í úrslitabardaganum.

Með því varð hann fyrsti íslenski karlinn til að vinna Norðurlandamót í hnefaleiknum en hnefaleikakonan Erika Nótt Einarsdóttir varð aftur á móti fyrst Íslendinga til þess að vinna Norðurlandameistaratitil í hnefaleikum,

Þessi átján ára strákur ætlar sér stóra hluti eins og sjá má í umfjöllun Íþróttadeildar um hann hér fyrir neðan.

https://www.visir.is/g/20262842684d/a-tjan-ara-is-lendingur-sigrar-heiminn-getur-farid-alla-leid-