Innlent

Gripinn með fíkni­efni í bíl um borð í Nor­rænu

Kjartan Kjartansson skrifar
Ferjan Norræna er ein þeirra leiða sem innflytjendur fíkniefna nota til þess að smygla ólöglegum efnum til landsins. Myndin er úr safni.
Ferjan Norræna er ein þeirra leiða sem innflytjendur fíkniefna nota til þess að smygla ólöglegum efnum til landsins. Myndin er úr safni. Vísir/Jóhann K. Jóhannsson

Farþegi sem kom til landsins með ferjunni Norrænu á föstudag var handtekinn eftir að umtalsvert magn fíkniefna fannst í bíl hans. Hann var úrskurðaður í gæsluvarðhald og dvelur í fangelsinu á Hólmsheiði.

Ekki kemur fram hvers kyns fíkniefni maðurinn smyglaði til landsins í tilkynningu frá lögreglunni á Austurlandi. Þar segir að Héraðsdómur Austurlands hafi úrskurðað hann í tveggja vikna gæsluvarðhald. 

Honum var flogið til Reykjavíkur og hann vistaður á Hólmsheiði. Lögreglan segist hafa notist stuðning Landhelgisgæslunnar, sérsveitar ríkislögreglustjóra og lögreglunnar á höfuðborgarsvæðinu við það.

Fjórum farþegum sem komu til landsins með sömu ferju var vísað frá þar sem þeir höfðu ekki heimild til dvalar á landinu. Þeir sigldu allir til baka með Norrænu sama dag, að sögn lögreglu.

Lögreglumál Fjarðabyggð Norræna Fíkniefnabrot

Mest lesið


Fleiri fréttir

Sjá meira


×

Mest lesið