Viktor Gísli aftur með yfir fimm­tíu prósent mark­vörslu

Barcelona vann þá átján marka sigur á Viveros Herol BM. Nava, 42-24, eftir að hafa verið með átta marka forskot í hálfleik, 21-13.

Barcelona er búið að tryggja sér spænska meistaratitilinn og hefur unnið alla 26 leiki sína í deildinni á leiktíðinni.

Viktor Gísli varði 54 prósent skota sinna fyrr í vikunni en að þessu sinni bauð íslenski landsliðsmarkvörðurinn upp á 52 prósent markvörslu. 

Viktor spilaði á móti danska landsliðsmarkverðinum Emil Nielsen sem varði 43 prósent skota í kvöld eða 10 af 23.

Viktor gerði betur, varði 12 af 23 skotum sem komu á hann eða 52,17 prósent. Annan leikinn í röð varði hann því betur en Daninn öflugi.