Heimsins fyrsti billjónamæringur

Heildareignir Musk nema nú um 1,11 billjónum Bandaríkjadala sem nemur 138.361.500.000.000 íslenskra króna. Það er um 138 billjónir íslenskra króna. Stór hluti þessara óímyndanlega háu fjárhæða felst í 42 prósenta eignahlutar hans í SpaceX.

Geimferðafyrirtækið hans var skráð á Nasdaq-verðbréfamarkaðinn í dag með verðmat upp á 2,2 billjónir dala. Hluturinn var gefinn út á 135 dali hver en fyrstu kaup voru á 150 dali og verðið náði um stutta stund 176,50 dölum. Þegar markaðir lokuðu var hluturinn á 161 Bandaríkjadal.

Líkt og fyrr segir á Musk 42 prósenta eignarhlut í SpaceX og hefur þar með algjöra stjórn á fyrirtækinu og þar með því hvernig fénu sem aflaðist í dag er varið.

Samkvæmt umfjöllun breska ríkisútvarpsins eru hlutabréf hans í SpaceX nú metin á 767,1 milljarð dala en auk þeirra á hann 53,8 milljarða dala í kaupréttum í SpaceX. Einnig á hann 168 milljarða dala í hlutabréfum í Tesla og aðra 116,4 milljarða dala í kaupréttum í Tesla.