„Fengum það sem við verðskulduðum“

„Byrja á því að óska Þór/KA til hamingju, þeirra frammistaða verðskuldaði þrjú stig fannst mér, og mér finnst það ekki vera þeirra fyrsta í sumar en orkan, baráttan, þær bara börðu okkur út af vellinum og áttu bara skilið það sem þær fengu.“

 „Sérstaklega fannst mér í fyrri hálfleik að þá vantaði svona orku og anda og baráttu og því miður þá sagði ég við stelpurnar bæði í hálfleik og eftir leik að mér fannst annað liðið vera að keppa að einhverju og hitt liðið ekki og ég held að það hafi verið stóru munurinn á liðunum en auðvitað er ég mjög ósáttur með hvernig við fáum þessi tvö mörk á okkur.“

 „Það sem ég þarf að glíma meira við með mitt lið núna í þessar tæpu þrjár vikur fram að næsta leik er að við þurfum náttúrulega að fara gera meira fram á við því við vorum steingeldar í dag og við eigum þó við höfum verið frekar daprar oft sóknarlega þá var þetta óvenju slæmt.“

Eins og Jóhann kemur inn á var sóknarleikur Þróttar ekki góður í dag en baráttan og viljinn virtist ekki vera til staðar heldur til þess að bæta það upp.

„Já mér fannst við vera svona bara í einhverju ástandi sem að er einhversstaðar mitt á milli þess að vera vanmeta, að vera ekki nógu orkumiklar, hvort sem það er eftir eitthvað sem að túlkast þá bara sem afsakanir eða eitthvað. Síðasti leikur eða síðustu leikir eða eitthvað en ég ætla ekki að tefla fram neinum afsökunum því þú átt bara að vera tilbúin í þetta og hvort sem vanti mannskap eða stutt á milli leikja eða hvað. Við eigum bara að vera tilbúin til að keppa, við erum í þessu til þess að keppa í fótbolta og stelpurnar eru súrar núna. Þær eiga að vera það og við þurfum að fara vel yfir þetta eftir tvo daga því þetta er ekki ásættanlegt en þetta var gott fyrir hitt liðið.“

Aðalsteinn Jóhann Friðriksson, þjálfari Þór/KA, kemur frá Húsavík líkt og Jóhann og fór fögrum orðum um hann í viðtali rétt á undan og var Jóhann inntur eftir viðbrögðum við því.

„Það er alveg rétt, við höfum þekkst lengi og hann var ekki hár í loftinu þegar ég byrjaði að þjálfa hann en það sem Þór/KA í heild sinni gerir vel í dag er að þau koma með kassann úti og hökuna uppi og fulla trú á verkefninu og þau vinna á því. Við gerðum það ekki og við fengum það sem þú færð þegar þú gerir svoleiðis.“