Þurfti að sauma fjöru­tíu spor í and­lit þjálfarans

Shanahan lenti í slysinu nálægt heimili sínu. Andlitið fór mjög illa á þjálfaranum. Hann nefbrotnaði og þurfti að sauma meira en 40 spor í andlit hans. Þrjú rifbein brotnuðu og svo fékk hann alvarlegan heilahristing.

Hann er á batavegi en afleiðingar heilahristingsins eru helst að plaga þjálfarann. Aðeins tíminn mun leiða í ljós hvernig sú barátta mun ganga.

Í millitíðinni munu aðstoðarþjálfarar liðsins stíga upp í hans fjarveru. Chris Foerster aðstoðarþjálfari mun leiða hópinn og stýrði sinni fyrstu æfingu í gær.

Forráðamenn 49ers vonast eftir því að Shanahan skili sér aftur á æfingasvæðið í næsta mánuði. Tímabilið í NFL-deildinni hefst svo í september.