Viðskipti innlent

Bankaskattur hækkaður um 75 prósent

Oddur Ævar Gunnarsson skrifar
Daði Már Kristófersson fjármálaráðherra kynnti nýtt fjárlagafrumvarp í morgun.
Daði Már Kristófersson fjármálaráðherra kynnti nýtt fjárlagafrumvarp í morgun. Vísir/Anton Brink

Áformað er að hækka bankaskatt úr 0,145 prósentum í 0,254 prósent eða því sem nemur rúmlega 75 prósenta hækkun í nýju fjárlagafrumvarpi. Með þessu er áformað að styrkja tekjugrunn ríkissjóðs.

Segir í frumvarpinu að með breytingunni sé áætlað að skila ríkissjóði sex milljörðum króna í viðbótartekjur. Bankaskatturinn var fyrst lagður á árið 2011 og hefur skatthlutfallið tekið nokkrum breytingum síðan. Með fyrirhugaðri hækkun verður það 0,109 prósentustigum lægra en á árunum 2014–2020, þegar það var 0,376 prósent.

Daði Már Kristófersson fjármálaráðherra sagði í samtali við fréttastofu í morgun að ný tilhögun yrði lögð fram á haustþingi. Það liggi fyrir að ákveðinn ábati sé til í fjármálakerfinu vegna verðbólgu og eðlilegt sé að gera kröfu um að honum sé deilt.

Fjárlagafrumvarp 2027 Arion banki Kvika banki Íslandsbanki Landsbankinn Skattar, tollar og gjöld Ríkisstjórn Kristrúnar Frostadóttur Fjármálafyrirtæki Alþingi

Tengdar fréttir

Kílómetragjaldið hækkar

Lagt verður til að kílómetragjald á ökutæki auk bifreiðagjalda verði hækkuð samkvæmt nýju fjárlagafrumvarpi sem kynnt var í morgun. Kílómetragjald var kynnt til sögunnar í upphafi þessa árs og kom í staðinn fyrir skatta á eldsneyti.

Ferðamenn verða rukkaðir um aðgang að ferðamannastöðum

Ríkisstjórnin hyggst kynna nýja gjaldtöku á ferðamannastöðum sem felur í sér að ferðamenn verða rukkaðir um sérstakan aðgöngumiða. Fjármálaráðherra segir um að ræða fyrirkomulag sem þekkist víða annars staðar en með þessu á að afla fimm milljarða króna til ríkissjóðs.



Mest lesið


Fleiri fréttir

Sjá meira


×

Mest lesið