Manchester City dæmt í 114 af 115 á­kæru­liðum

Ekki hefur verið tekin ákvörðun um hvernig félaginu verður refsað en til greina koma sektir, stigafrádráttur eða jafnvel brottrekstur úr deildinni.

City hlaut ákærurnar fyrir brot á fjármálareglum ensku úrvalsdeildarinnar í febrúar árið 2023, eða fyrir þremur og hálfu ári. 

Óháð nefnd hefur nú komist að niðurstöðu, samkvæmt The Athletic, um að City-menn hafi gerst brotlegir í 114 tilvikum.

Tilvikunum má í raun skipta í þrennt. Í fyrsta lagi skortur á samstarfsvilja við rannsókn ensku úrvalsdeildarinnar frá desember 2018 til febrúar 2023. Í öðru lagi með því að dulbúa tekjur sem í raun voru gjafir frá eigendum félagsins sem auglýsingatekjur. Í þriðja lagi með því að greiða starfsfólki, til dæmis leikmönnum eða þjálfurum, laun í gegnum þriðja aðila. Þannig gat félagið virst standast reglur um fjárhagslegt aðhald sem öll félög deildarinnar verða að lúta.

Í yfirlýsingu frá City segir að málið sé enn í ferli. Samkvæmt heimildum BBC þykir ljóst að yfirvofandi dómi verði áfrýjað.

Fylgst var með gangi mála í vaktinni hér að neðan.