Varðist árás hákarls

Brimbrettamanni í Ástralíu tókst í dag að verjast árás tveggja metra hákarls með réðst á hann undan Bronte-strönd í Sydney.

Maðurinn mun hafa stokkið af brimbrettinu sínu þegar hákarlinn réðst á hann og tókst að halda sig frá honum með brettinu, en hákarlinn beit tvisvar í brettið áður en hann hvarf á braut.

Manninum var hins vegar ekki meira brugðið en svo að hann hélt áfram að brima um hálftíma eftir árásina þrátt fyrir að ströndinni hefði verið lokað vegna hættunnar sem stafaði af hákarlinum.