Nýr leiðtogi vígamanna

Hryðjuverkaöfl í Írak eru talin hafa fundið arftaka Abu Musab Al-Zarqawis, sem drepinn var í loftárás af íraska hernum á dögunum. Sá heitir Abu Hamza al-Muhajer, en hann hefur ekki verið sýnilegur í sögu samtakanna áður og virðist ekki vera eftirlýstur af bandarískum yfirvöldum.

Bakgrunnur hans er með öllu óþekktur. Nafnið al-Muhajer táknar "innflytjandi," sem bendir til þess að maðurinn sé ekki Íraki, en yfirlýsing um þessa nýju skipan mála var birt á síðu herskárra múslima, þar sem hópur al-Zarqawis, oft kenndur við al-Kaída, hefur áður birt yfirlýsingar sínar.-