Tveir drengir særðust í sprengjuárás

Tveir drengir særðust þegar sprengjuárás var gerð á bílalest nálægt bandrískri herstöð í Bagram, norður af Kabúl, höfuðborg Afganistans, í morgun. Að sögn afganskra stjórnvalda var um sjálfsvígssprengjuárás að ræða og árásarmaðurinn sá eini sem lést. Eitthvað ber Afgönum þó ekki saman við Bandaríkjaher sem segir að vegsprengja hafi sprungið og því ekki um sjálfsvígsárás að ræða. Málið er í rannsókn. Drengirnir tveir sem særðust fóru um svæðið á reiðhjólum sínum þegar sprengjan sprakk. Líðan drengjanna er sögð stöðug.