Reiður út í dómarann

Luis Aragones var ekki sáttur við frammistöðu dómarans þegar hans menn féllu úr keppni í 16-liða úrslitunum á HM í kvöld. Aragones sagði annað mark Frakka hafa komið upp úr aukaspyrnu sem hafi alls ekki verið fengin af sanngirni.

"Annað markið þeirra kom eftir aukaspyrnu sem þeir áttu alls ekki að fá og þar fengum við að kenna á mistökum dómarans. Svona er þetta stundum í knattspyrnunni, en ég get ekki skammað strákana mína - þeir gáfu sig alla í leikinn. Þeir geta huggað sig við þá staðreynd að þeir eru ungir enn og fá annað tækifæri í framtíðinnni," sagði Aragones ósáttur, en þetta var fyrsta tap hans síðan hann tók við liðinu.