Breyta á reglum um styrkleikalistann

Vegna fjölda áskorana hefur Alþjóða knattspyrnusambandið ákveðið að breyta reglum sem notast hefur verið við til að raða þjóðum á styrkleikalista sambandsins. Helstu áherslubreytingar verða þær að þegar raðað verður á listann verður framvegis tekið mið af árangri liða fjögur ár aftur í tímann í stað átta ára áður.

Skoruð mörk og árangur á heimavöllum mun ekki lengur hafa áhrif, en þess í stað verður horft meira til vægis spilaðra leikja og styrkleika mótherja. Breytingar þessar taka gildi eftir HM og nýr styrkleikalisti verður birtur strax 12. júlí.