Meira en 40 fórust

Enginn komst lífs af þegar farþegaflugvél fórst nærri borginni Multan í Pakistan í dag. Flugvélin var rúmlega fjörutíu ára gömul en hún var af gerðinni Fokker Friendship 27. Vélin var á leið til höfuðborgarinnar Islamabad, með viðkomu í Lahor, en tveimur mínútum eftir flugtak hrapaði hún til jarðar. Eldsneytisgeymar vélarinnar voru fleytifullir og því kviknaði mikill eldur þegar hún skall niður. Fjörutíu og einn farþegi vélarinnar og fjögurra manna áhöfn týndu lífi í þessu hörmulega slysi.