Hefur ekki áhyggjur af stjörnustælum

Jose Mourinho, knattspyrnustjóri Chelsea, segist ekki hafa áhyggjur af stjörnustælum í sínum herbúðum þó hann hafi að undanförnu fengið hverja stórstjörnuna á fætur annari inn í leikmannahóp sinn. Hann segir nýju leikmennina aðeins þurfa að búa yfir tveimur kostum til að allt gangi eins og í sögu.

"Þetta hefur allt með skapgerð þessara leikmanna að gera. Ef þeir vilja vinna og trúa því að liðið sé stærra en hver einstaklingur og þeir sjálfir - verðum við í fínum málum," sagði Mourinho. "Ef hinsvegar leikmennirnir hugsa meira um sjálfa sig en liðið, þá erum við komin með vandamál. Ég vil að allir séu að stefna í sömu átt og setji liðið í forgrunn. Ef þeir gera það, fer allt vel."