Væri kominn með landsleik ef ég spilaði fyrir stórlið

Kevin Nolan segist viss um að sú staðreynd að hann spili með smáliði Bolton hafi hindrað að hann fái tækifæri til að spreyta sig með enska landsliðinu. Nolan hefur oft verið rómaður fyrir frammistöðu sína með Bolton, en hann segist viss um ef hann spilaði með Liverpool eða Manchester United, hefði hann fengið að spila landsleik fyrir löngu.

"Ef ég á að vera hreinskilinn, er ég viss um að ég hefði komist í landsliðshópinn ef ég spilaði með United eða Liverpool. Ég veit að það er ekki jafn áhrifamikið að spila með Bolton og einu af stórliðunum á Englandi, en það þýðir ekki að ég beri ekki virðingu fyrir Bolton. Ég veit samt að ég hefði fengið tækifærið ef ég spilaði með United eða Liverpool," sagði Nolan, sem þegar hefur ritað Steve Staunton landsliðsþjálfara Íra bréf með óskum um að fá að reyna sig með því.