Við verðum að ná í stig gegn Celtic

Sir Alex Ferguson var ekki á þeim buxunum að koma með lélegar afsakanir í kvöld eftir að hans menn afhentu FC Kaupmannahöfn fyrsta sigur sinni í Meistaradeildinni í sögu félagsins. Ferguson sagði sína menn hafa fengið á baukinn fyrir að nýta ekki færi sín.

"Við vissum að þeir myndu skapa hættu í föstum leikatriðum því þeir eru með hávaxið lið. Það er gömul tugga í Evrópukeppninni að ef þú nærð ekki að nýta yfirburði þína og skora mörk - verður þér refsað um leið.

Þessi úrslit þýða að nú verðum við að fara til Celtic Park og ná hagstæðum úrslitum og við vorum klaufar að klára ekki riðilinn í kvöld," sagði Ferguson.