Þær fregnir berast nú utan úr heimi að bankarisinn Citigroup hyggi á nýtt nafn. Vatnið verður vitanlega ekki sótt yfir lækinn og nýja nafnið mun verða Citi sem er einföld stytting á núverandi nafni.
Íslenskir bankar og fyrirtæki hafa skipt um nöfn og stundum ráða tískustraumar nafngiftum. Group-viðskeytið varð afar vinsælt svo lá við plágu á tímabili. Nú kann tími styttinganna að renna upp og hver veit nema íslensku bankarnir muni heita Glit, Land og Kaup áður en yfir lýkur.
