Beckham horfði á leikinn með mömmu sinni

Mark frá Ruud van Nistelrooy var nóg til að tryggja Real Madrid öll þrjú stigin sem í boði voru í viðureign liðsins gegn Real Zaragoza í spænsku úrvalsdeildinni í dag. Real er nú komið með 35 stig líkt og Barcelona og er í 2.-3. sæti deildarinnar. David Beckham horfði á leikinn úr stúkunni með mömmu sína sér við hlið.

Sem kunnugt er mun Beckham ekki spila fleiri leiki fyrir Real eftir að hafa skrifað undir samning við LA Galaxy í Bandaríkjunum en Beckham sýndi tilfinningar þegar Real komst nærri því að skora í leiknum í kvöld og stendur augljóslega ekki á sama um gengi liðsins.

Hann hafði móður sína, Söndru, sér við hlið í heiðursstúkunni en mamma gamla hefur greinilega komið til Spánar til að standa við bakið á stráknum sínum þegar hann stóð frammi fyrir einni af stærstu ákvörðun lífs síns.