Capello vill sjá Beckham í landsliðinu

David Beckham er greinlega orðinn að algjöru uppáhaldi hjá stjóra sínum Fabio Capello. Ekki er nóg með að hann skuli aftur vera kominn í byrjunarlið Real Madrid heldur hefur Capello nú hvatt Steve McLaren, þjálfara enska landsliðsins, að velja Beckham á ný í liðið. Capello telur að Beckham geti haft sömu áhrif á enska liðið og hann hafði á lið Real um síðustu helgi.

“Hans þáttaka í leiknum hafði mjög jákvæð áhrif á aðra leikmenn vegna þess hvernig hann leikur. Hann leggur sig alltaf allan fram,” sagði Capello. “Hans vegna vona ég að Beckham verði valinn. Þá mun hann verða ánægður og ég vill að leikmenn mínir séu sem ánægðastir,” bætti hann við.

McLaren lýsti því yfir fyrr í vikunni að það væri alls ekki útilokað að hann myndi velja Beckham í lið sitt og þykir enski þjálfarinn vera undir talsverði pressu á að velja Beckham í næsta hóp sinn.