Barcelona vill fá Robben

Forráðamenn Barcelona eru sagðir vera að undirbúa tilboð í hollenska vængmanninn Arjen Robben frá Chelsea. Samkvæmt spænskum fjölmiðlum er Barcelona búið að gefa upp vonina á að fá Cristiano Ronaldo frá Man. Utd. og hefur félagið því snúið sér að Robben, sem hefur ekki átt fast sæti í liði Chelsea á tímabilinu.

Talið er að Barcelona sé tilbúið að reiða fram 16 milljónum punda fyrir hinn 23 ára gamla Robben. Hann hefur aðeins byrjað inn á í 15 leikjum Chelsea á tímabilinu og hefur opinberlega rætt um óánægju sína vegna þessa.

Frank Rijkaard þekkir til Robben frá tíma hans sem þjálfari hollenska landsliðsins og er sagður hafa mikið álit á Robben.