Frændinn tók þátt í að nauðga í Póllandi

Talsmaður saksóknara í Póllandi upplýsti í gær að bróðir föðurins sem hélt dóttur sinni fanginni í sex ár og nauðgaði henni, hefði einnig misnotað hana.

Einhverju sinni tókst stúlkunni Alicju að flýja að heiman og leitaði skjóls hjá vini sínum.

Tveim dögum síðar var faðirinn Krzystof mættur ásamt bróður sínum. Þeir neyddu hana með sér heim og nauðguðu henni hrottalega.

Ólíkt því sem var með Fritzl fjölskylduna í Austurríki hefur móðir Alicju, Theresa haldið til á heimili sínu og jafnvel tekið þar á móti fjölmiðlum.

Hún segist nú iðrast þess óskaplega að hafa ekki fyrr hjálpað dóttur sinni að gera uppreisn gegn Krzystof og farið með henni til lögreglunnar.

Theresa segir að heimilisfaðirinn hafi kúgað sig hrottalega og skipað sér að horfa á sjónvarp meðan hann var að nauðga Alicju.