Eiður Smári í hópi Börsunga

Eiður Smári Guðjohnsen er í leikmannahópi Barcelona sem mætir grannliði sínu í Espanyol í Barcelona í kvöld.

Eiður Smári var í byrjunarliði Barcelona í síðasta leik er liðið gerði 2-2 jafntefli við Recreativo. En fjórir leikmenn sem voru ekki í hópnum í þeim leik eru komnir aftur nú - þeir Deco, Thierry Henry, Andrés Iniesta og Bojan Krkic.

Lilian Thuram, Santi Ezquerro og Edmilson eru ekki í hópnum að þessu sinni né heldur varaliðsmaðurinn Victor Vazquez sem kom inn í hópinn um síðustu helgi.

Deco hefur ekki spilað mað Barcelona síðan um miðjan febrúar en Henry, Iniesta og Krkic áttu allir við smávægileg meiðsli að stríða.

Þeir leikmenn Barcelona sem eru enn meirri eru þeir Albert Jorquera, Olegure Presas og Ronaldinho.

Hópurinn: Valdés, Pinto, Abidal, Sylvinho, Zambrotta, Puyol, Milito, Márquez, Touré Yaya, Xavi, Deco, Iniesta, Eiður Smári, Messi, Eto'o, Henry, Bojan og Giovani.