David Villa meiddur

Spænski landsliðsmaðurinn David Villa gæti misst af næstu þremur leikjum Valencia vegna meiðsla. Villa spilaði aðeins tólf mínútur í sigri Valencia á Maritimo í Portúgal í gærkvöld, en kenndi sér meins eftir leikinn.

Því er haldið fram að hann muni þurfa um tíu daga til að jafna sig og það myndi þýða að hann missti af næstu þremur leikjum liðsins í deildinni.

Þá er David Silva einnig meiddur og því er ljóst að þjálfari liðsins þarf að stokka eitthvað upp í liði sínu fyrir leikinn gegn Osasuna um helgina.