Hamilton íhugaði að hætta

Ökuþórinn Lewis Hamilton hefur viðurkennt að hafa íhugað það alvarlega að hætta í Formúlu 1 eftir hneykslismálið á dögunum þegar hann var staðinn að því að ljúga.

„Ég var ekki 100 prósent viss um hvort ég vildi vera hér næstu fimm árin. Það var svo mikið í gangi og ég var ekki viss um að vilja vera í miðju fólks sem talaði illa um mig," sagði Bretinn.

„Vil ég vera svo mikið í sviðsljósinu að ég geti ekki farið út í búð eða í bíó án þess að það sé fólk að taka myndir af mér. Ef ég vil aftur á móti keyra þennan bíl og halda áfram verð ég að sætta mig við það," sagði Hamilton.