Kreppuráð japanskra kvenna eru giftingar 18. mars 2009 13:09 Þegar Yumiko Iwate starfsmaður póstverslunar í Tókýó varð fyrir launalækkun á síðasta ári voru hún og vinkonur hennar sammála að eina leiðin út úr vandanum væri að finna eiginmann. „Ég vil gifta mig fljótlega, vonandi fyrir árslok," segir hin 36 ára gamla Iwate í samtali við Bloomberg-fréttaveituna sem fjallar um þetta alkunna kreppuráð japanskra kvenna, giftingu. „Kreppan gerði mér ljóst að ég mun ekki þéna eins mikið og ég átti von á og það væri meiri stöðugleiki í lífi mínu að vera á heimili með tvöfaldar launatekjur." Hjónaböndum í Japan fjölgaði töluvert á síðasta ári og höfðu þau ekki verið meiri í fimm ár. Alls gengu 731.000 pör í hnapphelduna í fyrra. Á sama tíma stóðu laun í stað og atvinnuleysi var það mesta í landinu undanfarin sex ár. Eftir að Japan tók upp ný jafnréttislög fyrir 23 árum dró mikið úr hjónaböndum í landinu eða að meðaltali um 5% á hverju ári næsta áratuginn. Konur létu frama sinn á vinnumarkaðinum hafa forgang fram yfir hjónabönd og barneignir. En þrátt fyrir jafnréttið þéna japanskar konur að meðaltali um 43% minna en karlmenn og því hafa þær meiri þörf til að leita sér að maka þegar kreppir að. Kreppur hafa áður haft það í för með sér að giftingum hefur fjölgað í Japan. Bloomberg nefnir þar tvö dæmi. Annarsvegar í upphafi níunda áratugarins þegar fasteignabólan í Japan sprakk og hinsvegar í upphafi þessarar aldar þegar netbólan sprakk. Þessi aukni áhugi japanskra kvenna á giftingum hefur leitt til þess að sérstakir „giftingarbarir" eins og t.d. Green í Tókýó blómstra sem aldrei fyrr. Á Green borga menn sem svarar 13.000 kr. í hverri heimsókn sinni á barinn svo að þjónarnir þar kynni þá fyrir konum í giftingarhugleiðingum. Konurnar aftur á móti fá frítt inn. Og viðskiptin hjá O-Net, stærstu stefnumótamiðlun Japans, eru einnig í mikilli uppsveiflu. Aðildarumsóknum hefur fjölgað um 10% á síðasta ári m.v. árið á undan. Japanskar konur ganga einbeittar til verks þegar þær leita sér eiginmanns. Þannig nefnir Bloomberg sem dæmi hina 25 ára gömlu Natsuko Ono. Hún hefur eytt 370.000 jenum eða um 400.000 kr. í leitina. Fjárhæðin hefur að mestu farið í myndatökur hjá atvinnumanni og skráningu hjá hjónabandsmiðlunum. „Þetta hljómar eins og mikið fé en þegar hafi er í huga að þetta er leið til að finna eiginmann finnst mér þetta sanngjörn fjárfesting," segir Ono um leið og hún kannar mannavalið á barnum á Green. Mest lesið Gengu langt í að vinna að lausn þótt bíllinn væri ekki í ábyrgð Neytendur „Fjárfestar eru bara venjulegt fólk“ Atvinnulíf Þrálát verðbólga og hægari vöxtur geti skapað áskoranir fyrir fjármálakerfið Viðskipti innlent Kærasta rafmyntamógúls í fangelsi vegna FTX-svikanna Viðskipti erlent Hrönn, Viktor og Þórdís til Varðar Viðskipti innlent Ísak Einar til Samtaka avinnulífsins Viðskipti innlent Hafa rúmir opnunartímar áhrif á verðlag? Neytendur „Við eigum margar rómantískar stundir í vinnunni“ Atvinnulíf Bein útsending: Haustráðstefna Stjórnvísi – Snjöll framtíð Viðskipti innlent Sunna veitir Livio samkeppni í frjósemi Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira
Þegar Yumiko Iwate starfsmaður póstverslunar í Tókýó varð fyrir launalækkun á síðasta ári voru hún og vinkonur hennar sammála að eina leiðin út úr vandanum væri að finna eiginmann. „Ég vil gifta mig fljótlega, vonandi fyrir árslok," segir hin 36 ára gamla Iwate í samtali við Bloomberg-fréttaveituna sem fjallar um þetta alkunna kreppuráð japanskra kvenna, giftingu. „Kreppan gerði mér ljóst að ég mun ekki þéna eins mikið og ég átti von á og það væri meiri stöðugleiki í lífi mínu að vera á heimili með tvöfaldar launatekjur." Hjónaböndum í Japan fjölgaði töluvert á síðasta ári og höfðu þau ekki verið meiri í fimm ár. Alls gengu 731.000 pör í hnapphelduna í fyrra. Á sama tíma stóðu laun í stað og atvinnuleysi var það mesta í landinu undanfarin sex ár. Eftir að Japan tók upp ný jafnréttislög fyrir 23 árum dró mikið úr hjónaböndum í landinu eða að meðaltali um 5% á hverju ári næsta áratuginn. Konur létu frama sinn á vinnumarkaðinum hafa forgang fram yfir hjónabönd og barneignir. En þrátt fyrir jafnréttið þéna japanskar konur að meðaltali um 43% minna en karlmenn og því hafa þær meiri þörf til að leita sér að maka þegar kreppir að. Kreppur hafa áður haft það í för með sér að giftingum hefur fjölgað í Japan. Bloomberg nefnir þar tvö dæmi. Annarsvegar í upphafi níunda áratugarins þegar fasteignabólan í Japan sprakk og hinsvegar í upphafi þessarar aldar þegar netbólan sprakk. Þessi aukni áhugi japanskra kvenna á giftingum hefur leitt til þess að sérstakir „giftingarbarir" eins og t.d. Green í Tókýó blómstra sem aldrei fyrr. Á Green borga menn sem svarar 13.000 kr. í hverri heimsókn sinni á barinn svo að þjónarnir þar kynni þá fyrir konum í giftingarhugleiðingum. Konurnar aftur á móti fá frítt inn. Og viðskiptin hjá O-Net, stærstu stefnumótamiðlun Japans, eru einnig í mikilli uppsveiflu. Aðildarumsóknum hefur fjölgað um 10% á síðasta ári m.v. árið á undan. Japanskar konur ganga einbeittar til verks þegar þær leita sér eiginmanns. Þannig nefnir Bloomberg sem dæmi hina 25 ára gömlu Natsuko Ono. Hún hefur eytt 370.000 jenum eða um 400.000 kr. í leitina. Fjárhæðin hefur að mestu farið í myndatökur hjá atvinnumanni og skráningu hjá hjónabandsmiðlunum. „Þetta hljómar eins og mikið fé en þegar hafi er í huga að þetta er leið til að finna eiginmann finnst mér þetta sanngjörn fjárfesting," segir Ono um leið og hún kannar mannavalið á barnum á Green.
Mest lesið Gengu langt í að vinna að lausn þótt bíllinn væri ekki í ábyrgð Neytendur „Fjárfestar eru bara venjulegt fólk“ Atvinnulíf Þrálát verðbólga og hægari vöxtur geti skapað áskoranir fyrir fjármálakerfið Viðskipti innlent Kærasta rafmyntamógúls í fangelsi vegna FTX-svikanna Viðskipti erlent Hrönn, Viktor og Þórdís til Varðar Viðskipti innlent Ísak Einar til Samtaka avinnulífsins Viðskipti innlent Hafa rúmir opnunartímar áhrif á verðlag? Neytendur „Við eigum margar rómantískar stundir í vinnunni“ Atvinnulíf Bein útsending: Haustráðstefna Stjórnvísi – Snjöll framtíð Viðskipti innlent Sunna veitir Livio samkeppni í frjósemi Viðskipti innlent Fleiri fréttir Kærasta rafmyntamógúls í fangelsi vegna FTX-svikanna Stýrivextir lækkaðir í Bandaríkjunum í fyrsta sinn í fjögur ár Tupperware lýsir yfir gjaldþroti Snúa við dómnum og dæma Bonnesen í fangelsi Gera Apple að greiða tvær billjónir í skatta Skaut samstundis niður tillögur um efnahagslega björgun Evrópu Bein útsending: Apple kynnir nýjustu græjurnar Hætta steðjar að lífsgæðum Evrópubúa Volvo heykist á algjörri rafvæðingu árið 2030 Þessari rafmagnsflugvél er ætlað að flytja 90 farþega Zuckerberg harmar að hafa látið undan þrýstingi Bidens Breska stjórnin samþykkir að efla London City-flugvöll Sádar sagðir byrjaðir að skrúfa fyrir kranann Susan Wojcicki er látin Ummæli Trump vekja áhyggjur af sjálfstæði seðlabanka Hlutabréfin ruku aftur upp degi eftir hrun Google beið lægri hlut í risavöxnu einokunarmáli Hrun í hlutabréfamörkuðum ytra Sjá meira