Sneijder og Robben í skiptum fyrir Ribery?

Talið er að Real Madrid muni bjóða FC Bayern pening og Hollendinga Wesley Sneijder og Arjen Robben í skiptum fyrir Franck Ribery.

Real hefur lungann úr sumrinu reynt að kaupa franska landsliðsmanninn en án árangurs.

Manuel Pellegrini reiknar með báðum Hollendingunum í hópi sínum í vetur en forráðamenn Real eru taldir vera tilbúnir að láta þá fara til Þýskalands ef Bayern samþykkir þetta tilboð sem er óneitanlega freistandi.

Real gæti einnig skipt út öðrum hvorum þeirra fyrir Rafael van der Vaart ef þýska félaginu líst betur á hann.