Puyol hafnaði AC Milan, Chelsea og Man. City

Það er óhætt að segja að Carles Puyol, fyrirliði Barcelona, hafi haft marga góða valkosti þegar hann var að íhuga framtíð sína á dögunum.

AC Milan, Chelsea og Man. City vildu öll fá hann í sínar raðir og spænska blaðið AS segir að Puyol hafi velt því fyrir sér í margar vikur hvort hann ætti að ganga í raðir Milan.

Ræddi hann málið meðal annars ítarlega við vin sinn, Demetrio Albertini, sem lék lengi með Milan.

Á endanum ákvað Puyol að framlengja við Barcelona. Þegar hann mætti síðan á æfingu í kjölfarið þá klöppuðu liðsfélagar hans í Barcelona fyrir honum.