Moody´s setur Grikkland í ruslflokk

Þótt að ákvörðun Moody´s hafi ekki átt að koma á óvart hafði hún þær afleiðingar að uppsveifla á markaðinum á Wall Street breyttist í niðursveiflu þegar þetta lá ljóst fyrir í gærkvöldi. Ennfremur hefur evran veikst töluvert í framhaldinu að því er segir í umfjöllun um málið á vefsíðunni epn.dk.

Gríska fjármálaráðuneytið brást strax við fréttunum í gærkvöldi og segir í tilkynningu frá ráðuneytinu að ákvörðun Moody´s endurspegli ekki þann árangur sem grísk stjórnvöld hafa náð á síðustu mánuðum hvað varðar hagræðingu og sparnað.

Skuldatryggingaálag Grikklands stóð í 795 punktum í morgun og hafði hækkað um 40 punkta frá því í gærdag.