Rússar kaupa 50 nýjar Boeing farþegaþotur

Rússar hafa ákveðið að kaupa 50 nýjar Boeing 737 farþegaþotur í Bandaríkjunum.

Þetta var tilkynnt á toppfundi þeirra Barack Obama Bandaríkjaforseta og Dimitry Medvedev forseta Rússlands sem nú stendur yfir í Hvíta húsinu.

Samkvæmt fréttum af fundinum hafa samskipti Bandaríkjanna og Rússlands sjaldan verið betri í sögunni en Boeing samningurinn er 4 milljarða dollara virði og mun skapa 44.000 ný störf í Bandaríkjunum.

Meðal þess sem Obama og Medvedev gerðu í gærkvöldi var að fara saman á hamborgarastað og fá sér einn sveittann.