Lögreglan í Las Vegas vill spjalla við Mayweather

Lögreglan í Las Vegas leitar þessa dagana að hnefaleikakappanum Floyd Mayweather Jr. en fyrrverandi kærasta hans hefur sakað hann um að hafa slegið sig.

"Hún heldur því fram að hann hafi kýlt sig. Við þurfum að fá hans hlið á sögunni," sagði talsmaður lögreglunnar í Las Vegas. Hún hefur ekki kært boxarann en vill fá hann í stutt viðtal.

Mayweather hefur margoft verið handtekinn vegna ofbeldismála. Mayweather er 33 ára gamall, hefur aldrei tapað bardaga og gengur undir gælunafninu "Peningar".