Peningaverðlaun til starfsmanna draga úr veikindadögum

Peningaverðlaun til þeirra starfsmanna sem taka fæsta veikindadaga á ári hverju hjá Post Danmark hafa dregið verulega úr heildarfjölda veikindadaga í póstþjónustunni.

Í frétt um málið í Politiken segir að þetta fyrirkomulag hafa minnkað veikindadaga hjá starfsfólkinu um 20% en því var komið á laggirnar fyrir átta árum síðan. Mörg önnur dönsk fyrirtæki hafa fylgt fordæmi póstsins með álíka góðum niðurstöðum.

Peningaverðlaunin eru í formi lottó við hver árslok þar sem fyrsti vinningurinn er um 2 milljónir króna. Auk þess eru í boði 24 vinningar upp á hálfa milljón og mikill fjöldi vinninga upp á 10 þúsund krónur.