Grikkjum gengur vel að fást við fjárlagahallann

Aðgerðir Grikkja til að fást við fjárlagahalla ríkissjóðs ganga vel að mati Alþjóðagjaldeyrissjóðsins og Evrópusambandsins. Starfslið á vegum Alþjóðagjaldeyrissjóðsins, Evrópusambandsins og Seðlabanka Evrópu var nýlega í Grikklandi til að kynna sér stöðu mála.

Evrópusambandið og Alþjóðagjaldeyrissjóðurinn samþykktu í maí að lána Grikklandi 110 milljarða evra á þriggja ára tímabili. Talsmaður Alþjóðagjaldeyrissjóðsins sagði í samtali við BBC fréttastofuna að hann væri sannfærður um að næsta greiðsla lánsins yrði greidd á tilsettum tíma.