Schumacher náði besta tíma vetrarins í Katalóníu

Michael Schumacher náði besta tíma á æfingu Formúlu 1 liða á Katalóníu brautinni á Spáni í dag. Mercedes bíll hans reyndist 0.365 sekúndum sneggri um brautina, en Ferrari Fernando Alonso.

Schumacher náði að bæta besta tíma vetrarins sem hafa náðst á vetraræfingum Formúlu 1 liða á Katalóníu brautinni, sem oft er kennd við Barcelona. Sergio Perez, var með besta tíma vetrarins í gær á Sauber, en Schumacher bætti um betur í dag. Schumacher tók einskonar tímatökuspretti á Mercedes bílnum í morgun, sem færðu honum þennan tíma, samkvæmt frétt á autosport.com í dag.

Í fréttinni segir að búist sé við rigningu á morgun á lokadegi æfinga á Katalóníu brautinni. Nico Rosberg náði þriðja besta tíma dagsins á Mercedes, en Nick Heidfeld á Renault reyndist fjórði fljótastur.

Tímarnir í dag

 1.  Michael Schumacher  Mercedes              1m21.249s            67

 2.  Fernando Alonso     Ferrari               1m21.614s  + 0.365s  141

 3.  Nico Rosberg        Mercedes              1m21.788s  + 0.539s  22

 4.  Nick Heidfeld       Renault               1m22.073s  + 0.824s  67

 5.  Rubens Barrichello  Williams-Cosworth     1m22.233s  + 0.984s  89

 6.  Kamui Kobayashi     Sauber-Ferrari        1m22.315s  + 1.066s  98

 7.  Jaime Alguersuari   Toro Rosso-Ferrari    1m22.675s  + 1.426s  72

 8.  Sebastian Vettel    Red Bull-Renault      1m22.933s  + 1.684s  64

 9.  Heikki Kovalainen   Lotus-Renault         1m23.437s  + 2.188s  138

10.  Paul di Resta       Force India-Mercedes  1m23.653s  + 2.404s  42

11.  Adrian Sutil        Force India-Mercedes  1m23.921s  + 2.672s  26

12.  Pastor Maldonado    Williams-Cosworth     1m24.108s  + 2.859s  11

13.  Jenson Button       McLaren-Mercedes      1m25.837s  + 4.588s  57

14.  Jerome D'Ambrosio   Virgin-Cosworth       1m27.375s  + 6.126s  46